Við urðum fyrir því óhappi í sumar að folaldið hennar Rastar drapst í fæðingu, það var undan Hákoni frá Ragnheiðarstöðum, jarpskjótt hryssa með gífurlega langar lappir sem fóru í flækju í fæðingunni. Þetta voru ægileg vonbrigði og ég hætti í hestamennsku í nokkra daga á eftir. Var farin að huga að því að fá mér golfsett. Röst bjargaðist sem betur fer og fór nokkru síðar til Alvars frá Brautarholti. Hér er hún með folaldinu sínu í fyrra. Myndarleg stóðhryssa hún Röst.
